Mae’r Cynulliad Yn Chwilio Am Brentisiaid
Mae Comisiwn Cynulliad Cenedlaethol Cymru yn chwilio am nifer o brentisiaid newydd.
Mae’r Comisiwn, sef y corff sy’n gyfrifol am weinyddiaeth y Cynulliad Cenedlaethol, yn cynnig pedwar cyfle i bobl ifanc rhwng 16 a 24 oed mewn gwahanol rannau o’r sefydliad.
Byddai’r ymgeiswyr llwyddiannus hefyd yn dysgu wrth iddynt weithio, gydag un diwrnod pob pythefnos wedi’i neilltuo ar gyfer hyfforddi a datblygu, yn arwain at gymhwyster cydnabyddedig mewn Busnes a Gweinyddu.
“Dyma’r cynllun prentisiaeth cyntaf i gael ei redeg gan Gomisiwn y Cynulliad ac mae’n gydnabyddiaeth o botensial pobl ifanc tra’i fod yn eu helpu i ddatblygu sgiliau a phrofiad,” meddai Peter Black AC, Comisiynydd y Cynulliad sydd chyfrifoldeb am staff y Cynulliad.
“I’r ymgeiswyr llwyddiannus, mae hwn yn gyfle i weithio i sefydliad sydd wrth wraidd democratiaeth yng Nghymru ac yn gyfle iddynt weld drostynt eu hunain sut mae gwaith y Cynulliad yn effeithio ar bawb yng Nghymru.”
“Mae Comisiwn y Cynulliad yn ymfalcho yn y ffaith ei fod yn gyflogwr cadarnhaol sy’n rhoi cymorth a chyfleoedd i’w staff ddatblygu a gwneud cynnydd. Dyna pam y dyfarnwyd gwobr ‘Buddsoddwyr mewn Pobl (Safon Aur)’ i ni yn 2010.”
Yn ogystal ’r pedair prentisiaeth bydd Comisiwn y Cynulliad hefyd yn cynnig lleoliadau i raddedigion yng Nghyfarwyddiaeth Busnes y Cynulliad ac yn yr adran Technoleg Gwybodaeth a Chyfathrebu (TGCh).
Y dyddiad cau ar gyfer ceisiadau yw dydd Llun 11 Mehefin 2012 - mae rhagor o wybodaeth am y prentisiaethau ar gael yma
Gwybodaeth Cyflogaeth a Hyfforddiant Prentisiaethau a Hyfforddiant
TheSproutDirect.co.uk Gyrfa Cymru Caerdydd a’r From - Gwasanaethau Cynghori i Ieuenctid
Erthyglau Cysylltiedig: 16-24? Di-waith?
Erthyglau Cysylltiedig: Wales Needs Apprentices
DELWEDD: slideshow bob
