Croeso i The Sprout! os gwelwch yn dda Cofrestru neu Mewngofnodi

Adolygiad: Amnesia: The Dark Descent (PC)

Postiwyd gan Jeff the Fridge o Caerdydd - Cyhoeddwyd ar 12/08/2011 am 12:39
0 sylwadau » - Tagiwyd fel Technoleg

  • amnesia

English verison

Mae'r erthygl hon wedi cyrraedd y rhestr fer categori Aolygiad Gorau yng Ngwobrau CLIC 2011.

Nid oes llawer o gemau sydd yn dy ddychryn ddim mwy. Roedd y gm Resident Evil diweddaraf yn fwy o saethwr,  doedd F.3.A.R. ddim yn dychryn ac roedd Dead Space yn defnyddio angenfilod yn neidio i dy wyneb fel mae trn ysbrydion yn ymwthio cyn i ti rwygo nhw i ddarnau gyda dy dorrwr plasma ffyddlon.

Yr unig gm oedd yn dod yn agos at yr un lefel o ddychryn ag Amnesia yn y blynyddoedd diweddar oedd y lefel "we don't go to Ravenholm" yn Half-Life 2, oedd yn wir yn dychryn fi. Mae Amnesia yn cyflwyno rhywbeth newydd i'r genre arswyd drwy fod o safbwynt y person cyntaf ond nid oes arfau gen ti. Pan ti'n gweld anghenfil, yr unig beth gall wneud ydy rhedeg a chuddio yn y tywyllwch.

Mae'r gm yn cychwyn gyda thi yn baglu i lawr cyntedd yn dweud yn feddw "Fy enw i ydy Daniel". Roedd y llinell yno yn sownd yn fy mhen am oes felly pam fydda fy ffrindiau yn dechrau siarad am gemau byddwn yn rhoi hwnnw i mewn n y drafodaeth. Roedd hyn yn eu gwylltio. Mae'r gm yn dechrau efo tiwtorial syml ond roedd yn ddigon i ddychryn fi go iawn, gyda drysau yn byrstio ar agar a goleuadau yn dod ymlaen ac yn mynd i ffwrdd bob eiliad. Mae'r peiriannydd callineb yn cael ei ddefnyddio i effaith gwych os wyt ti'n aros yn y tywyllwch neu'n edrych ar anghenfil, ti'n mynd yn wallgof yn araf nes yn y diwedd ti'n gorwedd ar y llawr yn ddiymadferth. Yr unig ffordd i adennill dy gallineb ydy drwy edrych i mewn i'r golau. Pam gyfarfuasai i 'n hanghenfil cyntaf cuddiais mewn cornel tywyll am bum munud cyn rhedeg at lamp i gael fy nghallineb yn l. Yr unig broblem oedd bod yr anghenfil nawr yn gallu fy ngweld. Yn lwcus doedd fy rhieni ddim adref i glywed fi'n sgrechian wrth iddo daro fy ysgwydd a rhuo yn fy wyneb.

Nid yw'r raffeg yn wych ond mae'r steil celf gymylog yn dda iawn. Mae'r anghenfil yn dda iawn ac mae'n amlwg fod F.3.A.R. wedi dwyn y cythraul o A:TDD. Ond, nid oes esgus am beiriant graffeg wedi dyddio. Bob hyn a hyn mae pylu ar y sgrin a rhwygo wrth i ti redeg trwy'r tywyllwch i ffwrdd oddi wrth yr angenfilod, ond mae hyn yn gwneud y peth yn fwy realistig. Mae'r effaith dwr yn dda, yn enwedig pan mae'r anghenfil dwr yn sblasio ar dy l, ond nid yw'n ddim arbennig. Nid yw'n syndod fod y raffeg ddim cystal gan mai datblygwr bach ydy Frictional Games, yn anaml yn ymddangos o'r Steam cymylog ac i mewn i siopau. Dwi ddim yn dweud fod Steam yn ddrwg, ond gall wneud mwy o arian oddi ar gm os ydyw mewn siop ar ddisg ar gyfer consolau fel y PS3 neu'r Xbox 360.

Dyw'r stori yn ddim arbennig chwaith. Ti'n cerdded yn dy flaen i'r gl derfynol o ladd Alexander (os wyt ti'n dewis hyn), ond nid yw'r mwyafrif o ystafelloedd mewn trefn gadarn. Gallai hyn fod wedi bod wedi cael ei greu gyda mwy o ddewis,  hynny yw, os wyt ti'n mynd i mewn i ystafell gyda thri drws, dewis pa un i fynd drwyddo, gorffenna’r prawf ac yna cer yn l i'r ddau ddrws arall. Mae'n iawn, ond gallai wella arno.

Mae ychydig o bosau syml yn ymddangos ar y cychwyn sydd yn dod yn anoddach yn raddol, ond mae'n amlwg nad nid dyma gryfder y gm. Mae Frictional Games wedi gwneud arswyd goroesiad gwych, ond maen nhw wir angen cael cymorth gan Valve ar y posau. Os fysa nhw wedi cael cymorth gan y datblygwyr mawr, yna mae'n debyg bydda'r gm wedi bod efo graffeg llawer gwell a mwy o bosau cymhleth. Ond wedi dweud hyn, mae'r posau yn well na'r cynigion sl yn Duke Nukem Forever (sychu deigryn o'r llygaid).

Nid yw Amnesia ar gyfer rhai sydd yn wan y galon. Mae Alexander yn arteithiwr gwyllt ac fe fyddi di'n darganfod pennau c?n wedi'i datgymalu wrth i ti glywed dy atgof o Alexander yn torri nhw i ffwrdd. Ti hefyd yn cael dy orfodi i fynd i mewn i siambrau artaith ble ti'n gweld Alexander yn gorfodi Daniel i wneud pethau afiach i ddioddefwyr anlwcus. Os oeddet ti'n meddwl fod Limbo yn waedlyd ac yn treulio'r mwyafrif o dy amser ar Mario neu gemau Wii grt sy'n gyfeillgar i'r holl deulu, yna mae'n debyg byddai'n well i ti osgoi Amnesia. Tyrd i arfer gyda'r genre gwaedlyd yma drwy gychwyn yn araf gyda darnau o facwn ac asennau'r gwyddonwyr yn Splosion Man yr holl ffordd i fyny i'r datgymaliad strategol yn Dead Space. Os wyt ti'n mynd yn syth i Amnesia o New Super Mario Brothers mae'n debyg byddet yn chwydu dros dy fonitor i mewn ofn a ffieidd-dod. Bydd pobl sydd wedi arfer gyda gemau modern fel Black Ops a Mortal Kombat yn debyg yn iawn efo Amnesia, er efallai iddo fod yn gythryblus i gychwyn.  Bydd y bobl sydd wedi saethau pennau babanod yn fwriadol yn Dead Space ac yn gwylio Saw yn si?r o feddwl am beth mae'r holl ffwdan.

91%

Y gm gorau i ddychryn fi am ychydig o flynyddoedd ers Resident Evil4 a Fatal Frame 2 (y merched gyda'r gyddfau wedi torricrynu). Yr unig gm ofnus arall yn 2010 oedd Alan Wake, ond nid yw hwnnw'n agos i fod mor ofnus ag Amnesia.

Newyddion – Categorau – Technoleg

Mwy o adolygiadau gemau Jeff the Fridge:

Rhywbeth i ddweud?

Rhaid bod wedi mewngofnodi i bostio sylwadau ar y wefan hon

Mewngofnodi neu Cofrestru.

Cymerwch ychydig o funudau i gwblhau'r arolwg hon. Bydd hyn yn helpu ni i ffeindio allan sut yr ydych chi'n defnyddio'r wefan fel ein bod ni'n gallu dal ati i'w gwella ar eich cyfer chi. Bydd pawb sy'n cwblhau'r arolwg yn cael y cyfle i ennill �50